പനി കുളിരിൽ ..

പനിക്കുളിരിൽ കൊതിക്കുന്നത് അമ്മയുണ്ടാക്കിയ ചൂട് കാപ്പിയാണ്

പുതച്ച് മൂടി കിടക്കുമ്പോൾ ഇടയ്ക്ക് വന്ന് ചൂട് നോക്കുന്ന കൈകളുടെ തണുപ്പാണ്

ഒരു ഗുളികയിൽ പനി പമ്പ കടക്കുന്ന അമ്മ മരുന്നിന്റെ അത്ഭുതമാണ്

അമ്മ മരുന്നിൽ മാറാത്ത പനിയിൽ കിട്ടുന്ന സൂചി കുത്തും ആ വേദനയിലും അമ്മ തരുന്ന തലോടലാണ്

രാവിൽ പനി വിട്ട് മാറി വിയർക്കുമ്പോൾ ആശ്വസിക്കുന്ന അമ്മ മുഖമാണ്

ഒരോ പനിച്ചൂടിലും കൊതിക്കുന്നത് അമ്മയ്ക്കരികിൽ എത്താൻ മാത്രമാണ്.