ഞാന്‍..
മഷി വറ്റിയ തൂലികയില്‍ ജീവിതം രചിച്ചവള്‍
സ്വന്തം കഥ കൊണ്ട് അന്നം തേടിയവള്‍
ഞാന്‍..
നഷ്ടപെടാന്‍ ഇന്ന് സ്വന്തമായി ഒന്നും ഇല്ലെന്ന തിരിച്ചറിവ് നേടിയവള്‍
അനന്തമായ യാത്രയില്‍ മാത്രം അഭയം കണ്ടവള്‍
ഞാന്‍..
സ്വന്തമായൊരു അസ്ഥിത്വംപോലും ഇല്ലാത്തവള്‍..
അന്യന്റെ മുന്‍പില്‍ ജീവിതത്തിനായി ഇരക്കുന്നവള്‍..
ഞാന്‍..
ഞാനെന്ന വാക്കിനു പോലും അധികമായവള്‍
ഇര കാത്തിരിക്കുന്നവര്‍ക്ക് മുന്‍പില്‍ ജീവന്‍ ബലി കഴിച്ചവള്‍,..
ഞാന്‍..
ചുറ്റിലും ഉള്ള ആയിരം ചോദ്യങ്ങളാല്‍ വിഴുങ്ങപെട്ടവള്‍..
ഉത്തരങ്ങളില്ലാത്ത ചോദ്യങ്ങള്‍ക്ക് മുന്‍പില്‍
കുനിഞ്ഞ ശിരസ്സോടെ നഷ്ടപെടുന്ന അഭിമാനത്തിന്റെ അവസാന തരിയില്‍ ജീവിതത്തിന്റെ അര്‍ഥം കണ്ടവള്‍..
ഞാന്‍.. നഷ്ടങ്ങളുടെ ആദ്യ വാക്ക്
അവസാനത്തേയും....
