ഒറ്റയ്ക്കാകുന്ന കുഞ്ഞ് പൂവുകൾ

വേർപിരിയാൻ ആശിച്ചു കോടതി മുറികളിൽ തമ്മിലടിക്കുന്ന ദാമ്പത്യമേ..

 ആര് ജയിച്ചാലും തോല്ക്കുന്നത് സ്നേഹം ഊട്ടി നിങ്ങൾ വളർത്തേണ്ട ഓമനകൾ ആണ്..

 ഉത്തരം ഇല്ലാത്ത ഒരായിരം ചോദ്യങ്ങൾക്ക് മുൻപിൽ നിറകണ്ണുകളോടെ നില്ക്കേണ്ടി വരുന്ന നിസ്സഹായത ഒരു നിമിഷം ഓർത്താൽ പരസ്പരം ചെളിവാരിയെറിയാൻ ആ ഇരുണ്ട മുറികൾ  തിരഞ്ഞെടുക്കില്ലായിരുന്നു..

 ആത്മവിശ്വാസം ഇല്ലാതെ നിരാശയോടെ ജീവിതത്തിലെ പ്രശ്നങ്ങളിൽ എന്ത് വേണം എന്ന് അറിയാതെ നല്ല ഒരു ഭാര്യയോ ഭർത്താവോ ആകാൻ കഴിയാതെ ആ ജന്മങ്ങൾ കൊഴിഞ്ഞു പോകും..

അമ്മ പറഞ്ഞ മോശക്കാരനായ അച്ഛനും അച്ഛൻ പറഞ്ഞ ചീത്ത അമ്മയ്ക്കും അവരുടെ ഹൃദയത്തിൽ ഇടം ഇല്ലാതാവും..

തന്റെതല്ലാത്ത കാരണത്താൽ വിവാഹ മോചനം നേടുന്നവർ ആ തകർന്ന ദാമ്പത്യത്തിൽ നഷ്ടങ്ങൾക്ക് മാത്രമായി ഒരു ജീവനും ജന്മം നല്കാതിരിക്കുക.

അവരുടെ കടം നിങ്ങൾക്ക് ഒരിക്കലും നികത്താൻ കഴിയില്ല..